EUSKADI-CUBA-k lau arlotan lan egiten du:

Sentsibilizazio arloa:

Cuba eta bere Iraultzarekiko ELKARTASUN POLITIKOA garatzen dugu. Honekin batera AEBk ezarritako blokeoaren ondorioak salatzen ditugu, beti Cuban dagoen errealitate politikoa, kulturala eta soziala hurbiltzen saiatuz.

Ekintza batzuk: “Bacardi, tragu txarra” nazioarteko kanpainaren diseinu grafikoa sortu genuen; elkartasun hitzaldiak eta ihardunaldiak antolatzen ditugu; Cuban elkartasun lana egiten duten hainbat nazioarteko brigadatan hartzen dugu parte, batez ere “Herriekiko Adiskidetasun Institutu Kubatarraren” (ICAP) “José Martí” brigadan; eta blokeoari eta Cubako gizarte ereduari buruzko informazio hainbat erakusketa diseinatu dugu, hauek beste herri batzuetako Cubarekiko elkartasun mugimenduak erabiliak izan direnak.

Gaur egun, kanpaina hauetan ari gara lanean:

1. “Cuba va, Kuba bai” kanpaina.

2. “Cuba-Venezuela: ALBA jaio da” kanpaina.

3. “Bostak askatu” nazioarteko kanpaina.

Komunikabideen arloa:

Arlo honen lana gaur egungo Cubako egoerari buruko INFORMAZIO ALTERNATIBOA ETA KONTRAINFORMAZIOA ematea. Cubari buruzko berriak komunikabide talde handi baten eskuetan dago, zeinek herri honen errealitateaz zentsuratzen eta manipulatzen dute eta gezur biribilak esaten dituen egunero. Cubak jasaten duen blokeoa ekonomikoa ez ezik informatiboa ere bada.

EUSKADI-CUBAn ahal dugun heinean Iraultzaren aurkako gezur horien kontra egiten saiatzen gara. Horretaz gain, Mass Media handiek ezkutatzen dituzten errealitateak hurbiltzen saiatzen gara. Eta -espazioa eskaintzen digutenean- komunikabideetan hartzen dugu parte. Arlo honetan ezinbestekoa da Euskal Herrian bizi diren eta EUSKADI-CUBAko bazkideak diren kubatarren partehartzea.

Orain, EUSKADI-CUBAk Cubainformación proiektua bultzatzen du, non Interneteko telebista bat, paperezko hiruhilabetekari bat, eguneroko berrien web orrialde bat eta asteroko irratsaio bat dauden. Irratsaioa Bizkaian, Tas Tas Irati Librean (97.0 FM) emititzen da.

Proiektuen arloa:

GARAPENERAKO LANKIDETZARI zuzendua. Iraultza Kubatarraren programa sozialetan kokatutako eta giza-garapen jasangarrian oinarritutako lankidetza da gurea. Tokian tokiko proiektu solidario hauek, dimentso ekonomikoa, soziala, politikoa, ekologikoa eta kulturala barneratzen dituzte eta partehartze sozialetik eta genero berdintasunetik abiatuta, garapen kubatarraren prozesua babesten dute.

Hemen: EUSKADI-CUBAren proiektuak lanean (word)

EUSKADI-CUBA elkarteak 1996an hasi zuen garapenerako lankidetza-lana San Miguel del Padronen (La Habana), hasiera batean etxebizitzen bizigarritasuna hobetzeko proiektuak bultzatuz. Gaur, nahiz eta komunitate-garapeneko proiektuen bidez udalerri horretako instituzioak babesten jarraitu, EUSKADI-CUBAk kooperazio-lanik gehiena Cubako ekialdeko probintzietan (Holguin, Granma eta Guantanamo) egiten du. Eremu horretan elikagai-subiranotasunaren ildoan kokatutako ekintzak garatzen ditu: hiri-nekazaritza babesten du eta nekazaritza eta abeltzaintzako kooperatibak bultzatzen ditu (ur-hornidura eta azpiegituren hobekuntza irizpide agroekologikoak jarraituz eta trebakuntza bultzatuz). Betiere, bai garapen produktiboaren ekintzetan zein komunitate-garapenaren ekintzetan energia berriztagarrien erabilera bultzatzen du.

Gure lanaren beste ildo estrategiko bat, proiektu guztietan genero-berdintasunaren alde egitea da, etorkizunean, mentalitate aldaketak sorrarazteko. Emakume Kubatarren Federazioarekin elkarlanean, proiektu espezifikoak babesten ditugu, emakumeak enplegu remuneratuetara eta zuzendari-lanpostuetara sartzea errazteko.

Dohaintzen arloa:

LAGUNTZA MATERIALA deitutakoa jorratzen du, Euskadin dauden Habana hiriko “Poder Popularreko” ordezkariekin. Lan honetarako beharrezkoa den egitura antolatua daukagu eta biltegi nagusi bat, Santurtzin (Bizkaia). Bidaltzen ditugun materialak, besteak beste, hauexek dira: eskolako materiala, garraioak, botikak, osasun ekipoak, liburuak, informatika materiala eta abar.

Duela gutxi, “Cubarako Bibliobusa” kanpaina antolatu dugu. Horren bidez, liburuak bildu ditugu autubus bat hornitzeko. Hau Cubako Sierra Maestra-ko komunitateetik mugituko da biblioteka mugikorra bezala, eta elbarrientzakoa izango da lehentasunez.

Genero taldea:

Eragile ezberdinak dira talde honi sorrera ematen diotenak gure elkartean: emakumeen partaidetza bai bolondres mailan bai ardurako karguetan nabarmen gehitu da eta ondorioz azken urte hauetan genero ekitatearekiko kontzientzia handitu da. Beste eragileetako bat elkarteko emakume batzuen borondatea izan da hainbat bilera, jardunaldi, kongresu eta abarretan parte hartzen, gaiari buruz hausnarketa guneak sortzeko.

Iazko erdialdean, EAEko GGKE-en koordinakundeak gonbidatu gintuen genero autodiagnostiko baten prozesuan parte hartzera. Emakumeen botere-hartzeak eta genero ekitateak, Elkartea zuzenki inplikatzen duen gai batean bilakatzeko aukera ona zela pentsatu zen; baita bere ildo estrategikoak, erlazioak, proiektuak, komunikazioa, partaidetza moduak eta erabakien hartzea.