EUSKADI-CUBA Cuba herriarekiko laguntasun eta elkartasun politikorako elkartea da.

Gure elkartasunaren abiapuntua oinarrian politikoa dela kontuan edukita, arlo desberdinetan hainbat ekintza egiten ditugu, baina hori guztia Cubako Iraultza eta bere giza-garapenaren programaren defentsa ardatzatzat hartuta.

Estatuko Cubarekiko Elkartasunaren Koordinakundearen eta Euskal Autonomi Erkidegokoa GKE Koordinakundearen parte gara.

Zergatik adierazten dugu elkartasuna Cubarekiko?

1. Gaur egun munduan agintzen duen globalizazio neoliberalaren testuinguruan, bidegabekotasun ikaragarriak daudelako:

a) Iparraldearen eta Hegoaldearen arteko ezberdintasun ekonomikoak, baita herri bakoitzaren barrukoak.

b) Estatuaren rolaren galtzea, aberastasuna banatzeari eta giza-garapenari dagokienez.

c) Inolako hautaketa demokratikoetatik kanpo dagoen kapital transnazionalaren erabateko boterea, zeinek nazioarteko politika eta ekonomia agintzen duen.

d) Kontsumismoak eta kanpo zorra ordaintzeak garapen jasanezina eta ekologiaren suntsipena dakartzate.

Eta mundu honetan, Cubak kontzeptu alternatibo bat islatzen duelako: elkartasunaren globalizazioa.

a) Herri txirotuetako milaka ikasleek dohainiko heziketa jasotzen dute Cuban.

b) Milaka mediku eta irakasle kubatarrek herri txirotuetan lan egiten dute, elkartasuna erakutsiz.

c) Cubak beste herri batzuetan osasun eta hezkuntza garapenen barnean hainbat ekintza antolatzen ditu, “Hego-Hego” kooperazioaren ikurra izanik.

2. Cubak lortutako gizarte-lorpenak defendatzen ditugulako, hori guztia gizartearen eta elkartasunaren justiziari esker lortu delarik.

a) Kubatarren %100ak dohako osasun zerbitzua jasotzen du.

b) 193 biztanleko mediku bat, mundu osoko zifrarik aurreratuena.

c) Herri garatuenaren bezalako itxaropen bizitza: 76 urte

d) Umeen heriotza tasa 1000 jaiotzetatik 6,2, Hego Amerikako 52ren aurrean.

e) Ez dago ia-ia analfabetismorik.

f) Emakumearen berdintasunean egindako aurrerapausu nabariak.

3. Cubak AEBen bidegabeko blokeo ekonomikoa jasaten duelako , zeinek bere garapena oztopatzen duen eta herritarren artean gabezi nabariak sortzen dituen.

EUSKADI-CUBA berez sortzetik GKE bat ez bada ere, kubatar agintarien eskariei jarraituz, kooperazio proiektuetan lan egiten du eta Cubara dohaintza materialak bidaltzeko azpiegitura sortu du. Arlo horietan ere lan egiten dugu, Cubako borroka politikoaren aldeko elkartasunaren barruan oinarrizko tresna direla uste dugulako.

Horregatik EUSKADI-CUBAren proiektuak Cubako gizarte-garapen nazionalerako eskemaren barruan daude, kubatar administrazioak puntu garrantzitsuenak jartzen dituelarik. Beraz, ez ditugu “garapen-irlak” sortu nahi Cuban, baizik eta AEBko blokeoaren aurka borrokatzen duten kubatar estatuari eta elkarteei laguntzea, Cubako gizarte-justiziaren proiektua mantentzen eta sakontzen lagunduz.