Europako hainbat herrialdetan egin duten biraren ondoren, datorren asteazkenean, ekainak 15, 19:00etan, Bilboko Alde Zaharreko Zirika aretoan, 'Tarará, la historia de Chernóbil en Cuba' dokumentalaren lehen proiekzioa eta aurkezpena egingo da euskal lurretan. Dokumental hori 2021ean ekoitzi zen. Argentinarrak diren Ernesto Fontán zuzendariak eta Tatiana Nemecek ekoizle exekutiboak parte hartuko dute ekitaldian, Askapenak, Boltxek, Euskadi-Cubak eta Cuba Vak (Italia) antolatuta.