LANKIDETZA-PROIEKTUEN
ARLOA
EUSKADI-CUBAk egiten duen lankidetza
Iraultza Kubatarreko gizarte-programetan dago kokatuta
eta giza-garapen iraunkorrean oinarritzen da. Hala, tokian
tokiko elkartasun-proiektu horiek dimentsio ekonomikoa,
soziala, politikoa, ekologikoa eta kulturala barneratzen
dituzte eta gizartearen partehartzetik eta genero-berdintasunetik
abiatuta, garapen kubatarraren prozesua babesten dute.
EUSKADI-CUBA elkarteak 1996an hasi zuen
garapenerako lankidetza-lana San Miguel del Padronen (La
Habana), hasiera batean etxebizitzen bizigarritasuna hobetzeko
proiektuak bultzatuz.
Bideoa:
"Apoyando el poder de la comunidad - La solidaridad
vasca con San Miguel del Padrón (La Habana)"
3
bideo: Komunitate osasuna laguntzeko proiektua. "La
Corea" auzoa (San Miguel del Padrón)
1996an sortu zenetik EUSKADI-CUBAk izaera
sozialeko ekimenak babesten ditu La Habanako hainbat udalerriko
toki-erakundeekin batera eta gaur egun lankidetza-lanik
handiena Kubako ekialdeko probintzietan egiten du, Granman,
Holguinen eta Guantanamon, hain zuzen.
Hiru probintzia horietan elikadura-subiranotasunaren
ildoan kokatutako ekintzak garatzen ditu: hiri-nekazaritza
babesten du, nekazaritzako eta abeltzaintzako ekoizpen-unitateak
(UBPCak, CPAak, CCSak) bultzatzen ditu (ur-hornidura eta
azpiegiturak hobetuz irizpide agroekologikoak erabilita,
trebakuntza eskainiz, ekoizpena dibertsifikatuz eta handituz,
etab.) eta energia berriztagarrien erabilera bultzatzen
du ekoizpen-garapeneko zein komunitate-garapeneko ekintzetan.
Beste lan-ildo estrategiko bat gure proiektu guztietan
genero-berdintasunaren alde egiten dugun sentsibilizazio-
eta trebakuntza-lana da, pentsaera-aldaketak sorrarazteko
balio duen lana, hain zuzen. Emakume Kubatarren Federazioari
ere laguntzen diogu, emakumeek ordaindutako lanpostuak
eta zuzendaritza-lanpostuak errazago lortzeko proiektu
espezifikoak bultzatuz.
Bideoa:
"Casa de Orientación a la Mujer y a la Familiari"
laguntza proiektua, Manuel Tamesen (Guantanamo)
Azkenaldian elkarteak egindako lankidetzan
laguntza materiala nabarmena izan den proiektuak alde
batera utzi dira. Horren ordez, integrazio handiagoko
proiektuak bultzatzen dira, beste ardatz bat dutenak:
elikadura-subiranotasuna, hain zuzen.
EUSKADI-CUBAk argi dauka Kubarekiko laguntasun-elkartea
dela; lankidetza-proiektuak garatzen ditu Kubak hala eskatu
diolako eta modu berean jarraituko du beharrezkoa izaten
jarraitzen duen bitartean.
Bideoa:
Iñaki Lizeagari elkarrizketa (Habanan bizi den
Euskadi-i-Cubako kooperantea)
EUSKADI-CUBAk,
2007ko abenduan, Cubarekiko Lankidetzari buruzko II Estatu
Topaketa antolatu zuen, B.E.C.-Bilbao Exhibition Center-en,
Barakaldon (Bizkaia). Bideo, argazki eta informazio guztiak
ikusteko, informaciones, sakatu hemen: Cubarekiko
Lankidetzari buruzko II Estatu Topaketa.
Laburpen-bideoa:
Cubainformación Cubarekiko Lankidetzari buruzko
II Estatu Topaketan
EUSKADI-CUBAko lankidetza-ereduak, karitatea
eta "marketing solidarioa" uko egiten diena,
eta Iraultzaren gizarte-plangintzekin lotuta dagoenak,
eskuin politikoaren erasoak jasan ditu,
gure elkartearen hainbat egitasmo solidarioei betoa ipintzen
saiatu dena.
Bideoa:
Gasteizko Partidu Popularrak Euskadi-Cubari betoa ezarri
du
I. Azkenaldian amaitutako
proiektuak
Azkenaldian burututako proiektuen
artean hurrengoak daude:
Yaterasen isolatuta dauden landa-eremuetako
baserrien eguzki-elektrifikazioa
Bideoa:
Guantanamo herrialdeko mendialdeetan eguzki-elektrifikazio
proiektua
Proiektu honekin populazioaren bizi-kalitatea
hobetu zen, elektrizitaterik gabeko herriak eguzki-jatorriko
elektrizitateaz hornitu baitziren. Horrek emakumeei etxeko
lanak erraztu zizkien eta familien osasuna hobetu egin
zen elikagaien kontserbazioari esker; gainera, formakuntza,
informazioa, kultura eta aisialdia errazago eskuratzea
ahalbidetu zuen telebistaren eta irratiaren eraginez.
Ondorioz, migrazio-joera eta nekazal-lurrak
bertan behera uzteko joera txikitu egin ziren; Kubak,
kooperatibeetatik abiatuz, nekazal-ekoizpen jasangarriaren
alde apustu egiten duen unean, hain zuzen.
Proiektu honen lehenengo etapan 66 etxebizitza
elektrifikatu ziren, 2005eko deialdian Bizkaiko Foru Aldundiaren
finantziazioarekin (115.000,00 euro). Gaur egun beste
60 etxebizitza elektrifikatu dira 2006ko deialdian hurrengo
udaletxeek finantzatu zutenarekin: Abanto Zierbena (1.466,40
euro), Amurrio (5.563,89 euro), Barakaldo (13.353,24 euro),
Basauri (22.951,52 euro), Etxebarri (5.986,02 euro), Irun
(11.000,00 euro); eta 2007ko deialdian Gasteizko udaletxeak
eman zuen diru-laguntzarekin (47.988,5 euro). Tokiko ekarpena
167.055,93 euro izan dira guztira.
Emakumeek ordaindutakoak eta
erabakitzaileak diren lanpostuak eskuratzea Habana hirian
Proiektu honekin emakumeek eskubide eta
aukera berdinak izatea bultzatu da bai alor publikoan
zein pribatuan eta horrek beraien partehartze aktiboa
bultzatu du bizitza ekonomikoan, politikoan eta sozialean.
Emakumeak ordaindutakoak eta erabakigarriak diren lanpostuetara
sartzea izan zen proiektuaren ardatza. Horretarako sentsibilizazio-
eta trebakuntza-programa bat eskeini zitzaien hainbat
talderi: emakumezko langileei, FMCko emakumezko kolaboratzaileei
eta boluntarioei, CSSko kooperatibistei, sindikatuei eta
masa eta komunikabideetako taldeei.
Bilboko Udalak 2006ko deialdian 50.684,46
eurorekin finantzatu zuen eta FMCk 73.425,22 euro eman
zituen.
Granmako probintzian hiri-nekazaritzako
ekoizpen-ahalmenen hobekuntza
Proiektu honen bidez hiri-nekazaritzaren
garapena indartu zen. Ikerketa zientifikoa, zientzia,
teknologia eta trebakuntza babestu ziren horretarako,
Kubako hiri-nekazaritzako ildoan zehazten den moduan.
Hiriko nekazaritza-ekoizleak ekoizpen-teknika egokien
erabilpenean trebatu ziren, Granmako Unibertsitateko Landare
Bioteknologiako Zentroak (CEBVEG) hiri-nekazaritzari buruz
egindako ikerketa zientifikoa bultzatu zen, eta ekoizpen-azpiegiturak
hobetu ziren, horiek beharrezkoak baitira teknologikoki
egokia, jasangarria eta ingurumenarekiko errespetuzkoa
den hiri-nekazaritza garatzeko.
Proiektu hau Bizkaiko Foru Aldundiak
finantzatu zuen 2006ko deialdian 116.900,00 eurorekin
eta tokiko ekarpena 119.878,36 euro izan ziren.
Holguineko probintzian kanabera-birmoldaketa
egiten ari diren inguruetako nekazal-komunitateen baldintza
sozioekonomikoak hobetzeko laguntza
Bideoa
"De nuestras manos, la vida". Euskadi-Cubak
eta ACPA (Animali Ekoizpenerako Kubatar Elkarteak) Maceon
(Holguin herrialdean) bultzatutako proiektua, azukre-kanaberako
lurraldeak nekazal- eta abere-ekoizpenerako birmoldaketa
laguntzeko)
Proposamen hau Holguineko probintziako
nekazal-komunitateetako baldintza sozioekonomikoak hobetzeko
laguntzaren parte da. Horretarako, kanabera ekoizpenera
bideratutako lau UBPCen ekoizpen-eraldaketa eta ekoizpen–dibertsifikazioa
indartu ziren eta komunitaeetako bizi-baldintzak hobetu
ziren hainbat ekimenen bidez:
a) Genero ikuspegia duen trebakuntza-integraleko
programa bat garatu zen. Ondorioz, gaitasun berriak sorrarazi
eta pentsaera aldaketak eragin dira bai ekoizpen-arloari
zein kudeaketa jasangarriari dagokionez. Era berean, aldaketak
eragin dira genero arteko harremanei dagokien subjetibitatean.
b) Nekazaritzako eta abeltzantzako ekoizpen-azpiegiturak
sortu eta hobetu ziren, betiere irizpide agroekologikoak
erabiliz eta ekoizpen-unitateen garapen-programekin bat
eginez.
c) Komunitateetako gizarte-azapiegiturak indartu eta hobetu
ziren.
Proiektu hau hainbat erakunderen artean
finantzatu zuten: Bizkaiko Foru Aldundiak 2006ko deialdian
139.800,00 euroko dirulaguntza eman zuen eta 2007ko deialdian
hainbat udalek hartu zuten parte: Abanto Zierbenako udaletxeak
2.850,00 euro, Barakaldoko udaletxeak 17.414,96 euro eta
Iruneko udaletxeak 18.250,00 euro eman zituzten. Tokiko
ekarpena 54.690,94 euro izan ziren.
II. Martxan dauden proiektuak
Gaur egun hurrengo proiektuak ari
dira gauzatzen:
Nerabeentzako harrera integrala
indartzea
Granmako probintzian dagoen Rio Cauto
Udalerriko nerabeen osasun integralaren aldeko ekimenak
gehitu eta optimizatu nahi dira proiektu honekin. Nerabeei,
osasuneko eta hezkuntzako profesionalei eta familia-gurasoei
trebakuntza-jarduerak eskaintzen zaizkie. Gainera, beraien
ekintzak egiten dituzten egoitzak errehabilitatzen eta
hornitzen ari gara eta baita Nerabeentzako Harrera Integraleko
egoitza sortzen ere.
Proiektu hau Eusko Jaurlaritzak onartu
zuen 2005eko Focad deialdian 259.911,66 euroko finantziazioarekin
eta tokiko ekarpena 132.386,90 euro izan dira.
Guantanamoko Readengo 18n “El
lechero” komunitatearen garapen integrala
Proiektu honen bidez ekoizpen-azpiegitura
indartzen eta suspertzen da, lehorteei aurre egiteko ekoizpen-sistema
berriak ezartzen dira, herritarrei trebakuntza eskaintzen
zaie eta gizarte-azpiegitura babesten da; proiektu honen
bidez, azken finean, herritarrek beraien garapen integrala
-ekonomikoa eta soziala- garatzeko beharrezkoak dituzten
oinarriak finkatzen dira. Garapen integral hori, betiere,
modu jasangarrian, ingurumenarekiko errespetua mantenduz
eta komunitate-bazterketarik gabe gauzatzen da eta herritarren
bizi-kalitatea hobetzen du.
Lan-proposamen hau Eusko Jaurlaritzak
onartu zuen 2006ko Focad deialdian 215.000 euroko finantzazioarekin
eta tokiko kontrapartida ekonomikoa 60.565,32 euro izan
ziren.
Nekazaritza- eta abeltzaintza-ekoizpenaren
dibertsifikazioa Guantanamoko probintziako Manuel Tames
udalerriko kanabera-UBPCetan
Guantanamon azukre-industriaren birmoldaketa
ematen ari den inguruetako landa-komunitateen baldintza
sozioekonomikoak hobetzeko proposamena da honako hau.
Kanabera-ekoizpena nekazaritza- eta abeltzaintza-ekoizpenera
birmoldatzea bultzatzen da, eraldaketa- eta dibertsifikazio-prozesu
baten bidez.
Nekazaritzako eta abeltzaintzako ekoizpen-azpiegiturak
sortzen eta hobetzen dira, betiere irizpide agroekologikoetatik
abiatuta. Genero-ikuspegia duen trebakuntza integraleko
programa bat ere eskeintzen da, horren eraginez gaitasunak
garatu eta pentsaera-aldaketak eragiten baitira bai ekoizpenari
eta kudeaketa jasangarriari dagokionez, bai genero-harremanen
subjetibitateari dagokionez. Ezin aipatu gabe utzi, komunitateen
zerbitzuak eta azpiegiturak ere indartzen eta hobetzen
dituela.
2006ko Focad deialdian Eusko Jaurlaritzak
276.800 eurorekin finantzatu zuen eta tokiko ekarpena
155.697,59 euro izan dira.
Granma probintziako hiri-nekazariek
duten abelazkuntzarako gaitasunak indartzea
Proiektu honekin Kubako ekialdeko eskualdeko
hiri-nekazaritzaren garapena indartu nahi da, batez ere
Granma probintziakoa. Horretarako, 26 azpiprogrametan
(Zientzia, Teknologia eta Trebakuntza) eta abere- azpiprogrametan
beraien gaitasunak indartuko dira.
Ezarritako helburua lortzeko hirietako
eta hiri-inguruetako abere- ekoizleen gaitasunak bultzatuko
dira, ekoizpen teknika egokien erabilera bultzatuz; Landare
Bioteknologiako Ikerketa Zentroak (CEBVEG), Animali Ekoizpeneko
Ikerketa Zentroak eta Tokiko Garapeneko Ikerketa Zentroak
egindako ikerketa zientifikoa eta trebatzuntza-lana indartuko
dira. Gainera ekoizpen-azpiegiturak hobetuko edo sortuko
dira, horiek beharrezkoak baitira teknologikoki egokia,
iraunkorra eta ingurumenarekiko errespetuzkoa den abere-garapena
lortzeko.
Bizkaiko Foru aldundiak 98.600 eurorekin
finantzatu zuen 2006ko deialdian eta tokiko ekarpena 86.716,49
eurotakoa izan zen.
Garapen sozioproduktiboa Manuel
Tameseko kooperatiba- eta nekazal-sektorean
90. hamarkadako krisi ekonomikoak eta
azken hamarkadako klima sasoi bereziak Manuel Tameseko
egoera ekonomikoa kaltetu dute. Horrek bertako giza-garapena
oztopatu du eta Estatuak egoera gainditzeko egindako ahalegina
ez da nahikoa izan.
Proiektu honen parte dira ekoizpen-azpiegiturak
indartzea eta dibertsifikatzea, lehorteei aurre egiteko
ekoizpen-sistemak ezartzea, herritarrak trebatzea eta
gizarte-azpiegiturari babesa ematea. Ekimen horiei esker
herritarrentzat oinarriak finkatzen ditu beraien garapen
integrala –ekonomikoa eta soziala- burutu dezaten,
betiere modu jasangarrian, ingurumena errespetatuz, komunitate
bazterketarik gabe eta ekoizpen-prozesuetan emakumearen
integrazioa bultzatuz eta bermatuz. Guzti horrek, argi
eta garbi, herritarren bizi-kalitatearen hobekuntza dakar.
Proiektu hau Eusko Jaurlaritzak finantzatu
du 2007ko Focad deialdian 277.600 eurorekin eta tokiko
ekarpena 111.388,93 euro izan dira.
Modu jasangarrian indartu ekoizpenaren
dibertsifikazioa eta abeltzantza eta gizarte-azpiegiturak,
Bayamo udalerriko ekosistema hauskorretan dauden bi komunitatetan
Proiektu honen bidez, Bayamo udalerriko
ekosistema hauskorretan kokatuta dauden bi komunitateteetako
abeltzaintza eta gizarte-azpiegitura modu jasangarrian
indartu nahi dira. Horri esker, UBPCen ekoizpen-eraginkortasunean
eta Guasimilla eta La Teodora komunitateetako bizi-baldintzetan
eragiten duten arazoei aurre egiten zaie.
Proposamen hau hurrengo ekintzen bidez
gauzatzen da: patio familiarretan zein UBPCetan ganadu
handiaren zein txikiaren ekoizpenerako aukera jasangarriak
bultzatuz; azpiegiturak indartuz lurraren kontserbazioarako
eta lehortearen aurrean ahulak diren espezieak dibertsifikatzeko;
eta komunitateen bidezko garapena indartuz.
Proiektu hau Bizkaiko Foru Aldundiak
finantzatu zuen 127.100 eurorekin 2007ko deialdian eta
tokiko ekarpena 424.840,08 eurotakoa izan zen.
La Corea auzoko komunitate-giroaren
hobekuntza
Proiektu honek auzoko egoera hobetzen
laguntzen du, bai ikuspuntu fisikotik (ingurumena) zein
sozialetik (auzoko emakumeen espezifikotasuna kontuan
izanik, ohiturak eta aisialdirako ekintza osasungarriak
sortzen ditu). Ekimen honek, azken finean, babesa eskaintzen
dio auzoan egiten den Garapen Integralerako Programari.
Hurrengo alorretan oinarritzen da:
a) Herritarren ingurumen-kultura indartzen
da, eta epe luzerako ingurumen-kudeaketan genero-faktorea
hartzen da kontuan.
b) Gune berdeak sortzen dira atsedenerako eta aisialdi-
eta kirol-ekintzetarako.
c) Auzoko mikrozabortegiak kentzen dira.
2007ko deialdian Bilboko Udaletxeak
babestu du 78.580,00 eurorekin eta tokiko ekarpena 158.019,00
eurotakoa izan da.
Urbano Noris udalerriko garapen kooperatiboari
babesa
Aldi bereziko efektuek eta azken 10 urteetako
lehorte gogorrek nekazal-kooperatibak dauden nekazal-komunitate
askoren garapen sozioekonomikoa mugatu eta moteldu egin
dute.
Proiektu honekin nekazal-inguru horietako
tokiko garapena bultzatu nahi dugu, kooperatiben sektorearen
– CPAk eta CCSak- garapena bultzatuz. Horretarako,
genero-ikuspuntua duten teknologia alternatiboen eta jasangarrien
erabilera bultzatzen da.
Lau kooperatibekin eta beraien komunitateekin
egin da lan. Hala egitea iruditu zaigu dela onena, kooperatibak
mobilizaziorako eta ekintza-sozialerako zentruak baitira
nekazal-inguruetan. Beharrezkoa da haien egitura sozioproduktiboa
indartzea beraien komunitateen garapenean zuzenean eragiteko.
Proiektua Arabako Foru aldundiak bultzatu
du 2007ko deialdian 130.124,73 eurotako finantziazioarekin
eta tokiko ekarpena 42.544,65 eurotakoa izan da.
III. Hastear dauden proiektuak
Eta hurrengo proposamenak hastear
daude:
Hiriko eta hiri inguruko nekazaritza
indartzea, elikagaiak ekoizteko Granma probintzian
Proiektu hau lau urtetan zehar egiten
ari den lanaren jarraipena da. Granmako hiriko eta hiri
inguruko nekazaritzaren garapena babesten du eta hortaz,
probintziako elikadura-subiranotasunaren indargarri ere
bada.
Nekazaritza Ministeritzarentzat lehentasuna
duten subprogramen barruan egiten da lan, aurreko kasuetan
bezala unibertsitateko ikertzaileen zein irakasleen eta
ekoizleen -nekazariak zein abeltzainak- arteko harremana
bultzatuz.
Proiektu honetan unibertsitateko ikerketa
bultzatzen da -ekoizpenean eragin zuzena duen ikerketa,
hain zuzen-, ekoizleen gaitasunak indartzen dira (nekazarienak
zein abeltzainenak) eta udalerriarentzat eredu diren ekoizpenerako
azpiegitura txikiak sortzen eta hobetzen dira.
Proiektu hau Bizkaiko Foru Aldundiak
babestu du 2008ko deialdian 184.043,78 euro emanez eta
tokiko ekarpena 163.921,43 eurotakoa izan da.
Manuel Tameseko kooperatiba-
eta nekazaritza-sektorearen garapen sozioproduktiboa.
II. fasea
Proiektuak, udalerriko tokiko garapen
ekonomikoa bultzatzeko proposamenetik abiatuta, lehorteari
aurre egingo dioten ekoizpen-sistemak bultzatzen jarraitzen
du. Horretarako beharrezkoak diren azpiegiturak ezarriko
dira eta herritarrek hauek erabiltzeko behar dituzten
gaitasun teknikoak indartuko dira.
Modu horretara, herritarrentzat oinarriak
finkatzen dira beraien garapen integrala –ekonomikoa
eta soziala- burutu dezaten, betiere modu jasangarrian,
ingurumena errespetatuz, komunitate bazterketarik gabe
eta ekoizpen-prozesuetan emakumearen integrazioa bultzatuz
eta bermatuz. Guzti horrek, argi eta garbi, herritarren
bizi-kalitatearen hobekuntza dakar.
Proposamen hau Eusko Jaurlaritzak babestu
du 2008ko Focad deialdian 281.300 eurorekin eta tokiko
ekarpena 85.444,21 euro izan dira.
Guantanamoko Manuel Tameseko
kainabera-UBPCen garapen sozioekonomikorako alternatiba:
Nekazaritza- eta abeltzantza-ekoizpenaren dibertsifikazioa
Proposamen honen bidez Manuel Tamesen
garapen jasangarria bultzatu nahi da hurrengoen bidez:
a) Kooperatibetan eta hauek dauden komunitateetan
emakumeen eta gizonen arteko berdintasuna bultzatuko duten
baldintzak eskeini.
b) Emakumeen eta gizonen gaitasunak modu espezifikoan
indartu, La Cristalina eta Martires de Angola UBPCetan
nekazaritza- eta abeltzaintza-ekoizpen jasangarria bultzatzeko.
c) Beharrezkoak diren ekoizpen-azpiegituren ezarpena,
irizpide agroekologikoetatik abiatutako ekoizpena dibertsifikatzeko.
Betiere UBPCetako programen garapenarekin egingo dute
bat.
d) Kudeaketa-bideak eta azpiegiturak, logistika eta emakumeentzat
zein gizonentzat diren UBPCetako zerbitzuak hobetu.
Eusko Jaurlaritzak 2008ko Focad deialdiari erantzunez,
219.382,04 eurorekin finantzatu du eta tokiko ekarpena
61.888,06 euro dira.
Kubako nerabeen genero estereotipoak
berreraiki
Proiektu honen bidez genero-berdintasuna
bultzatu nahi da, nerabeen harremanetan genero-estereotipoak
gutxituz. Horretarako, komunikaziorako bideak sortu, komunikatzaileei
gaitasunak eskeini eta genero-gaietan espezializatutako
liburutegi bat egingo dira. Lan-proposamen hori “nerabeen
genero-harremanen estereotipoak” izeneko ikerketatik
abiatuko da.
Proiektu hau Bilboko Udaletxeak 2007ko
deialdiari erantzunez, 78.949,00 eurorekin finantzatu
du eta tokiko ekarpena Emakume Kubatarren Federazioaren
eskutik etorri da 58.320 eurorekin.
Granmako Unibertsitateko nekazal-zientzien
fakultateko irakaslegoaren eta ikerketen gaitasuna indartzea
Proiektu honekin Granmako Unibertsitateko
nekazal-zientzien fakultateko irakaslegoaren eta ikerketen
gaitasunak indartu nahi dira. Bi lan-ildo bereiz daitezke:
alde batetik instalazioen egoera materiala hobetu nahi
da (batez ere laborategiena), eta bestetik, irakasleei
lagundu nahi zaie EHUrekin elkarlanean sortutako graduondokoetan
parte har dezaten, batez ere irakasleak eta ikertzaileak
diren emakumeen parte hartzea bultzatuko da, horiek Kubako
hiri-nekazaritzan emakumeen parte hartzea bultzatuko dutelako
gero.
Proiektuak Arabako Foru Aldundiaren babesa
du 2008ko deialdian 224.400,57 eurotako finantziazioa
eskeini baitzuen. Tokiko ekarpena Granmako Unibertsitateak
egin du 268.242,59 eurorekin.
La Corea Gazte Zentroko gaitasun
eraldatzailea indartzea
La Corea Gazte Zentroa sortu zenetik
ari da Euskadi-Cuba harekin elkarlanean, auzoan egiten
diren hainbat proiektu eta ekintza bultzatuz. Proiektu
honen helburua La Corea Gazte Zentroko lana ingurune zabalagoetara
ezagutaraztea da eta horien artean Euskadin Kubako gazteen
errealitateaz informatzea.
Lan-proposamena Gazte Komunistekin batera
ari da garatzen. Euskadiko gazteriaren Kontseiluak 1.806,00
euro eman ditu.
BIDEOA:
Centro Juvenil barrio La Corea: trabajando para la comunidad
BIDEOA:
Juventudes del Partido Popular arremete contra la asociación
Euskadi-Cuba. Nuevas Generaciones afirma que la cámara
de video comprada por Euskadi-Cuba para un centro juvenil
de La Habana con fondos del Consejo de la Juventud de
Euskadi será "utilizado en la elaboración
de propaganda"
Modu jasangarrian bultzatu abeltzaintzaren
eta gizarte-azpiegituraren berreskuratzea eta indartzea,
Bayazo udalerriko ekosistema hauskorretan dauden bi komunitatetan.
II. fasea
Proiektu honetan, aurretik hasitako lan-proposamenean
ezarritako helburuak eta emaitzak mantentzen dira. Bayamo
udalerriko bi komunitatetan abeltzaintza eta gizarte-azpiegiturak
berreskuratu eta indartu nahi dira modu jasangarrian
Hasitako lanarekin jarraituz, azpiegiturak
indartzen ditu lurrak kontserbatzeko eta bazka-espezieak
eta belardiko espezieak dibertsifikatzeko; azienda handi
zein txikien ekoizpenerako alternatiba jasangarriak erabiltzeko
giza-gaitasunak indartzen ditu; eta komunitateetako genero-berdintasunaren
aldeko lanean jarraitzen du.
Proiektuak Bizkaiko Foru Aldundiaren
laguntza izaten jarraitzen du, 2008ko deialdian 145.919,00
euro eman zituen eta tokiko ekarpena 127.822.39 eurotakoa
izan zen.
|