José Manzaneda, Cubainformación-eko koordinatzailea - Ahotsa: Oihana Pascual - Bideo-muntaia: Esther Jávega.- UNICEFen azken txostenek berretsi egin dute Kuba dela haurren desnutrizio larririk ez daukan Latinoamerikako nazio bakarra (1). Juan Jose Ortiz Bru, urteetan erakunde horren ordezkaria izandakoak, hainbatetan onartu du Kubako haurren abantaila Latinoamerikako herrialdeetako testuinguruari dagokionez. “Sinestezina da. Hemen (Kuban) ez dago tratu txarren sarerik, prostituzio-sarerik, bazterkeria-sarerik. Ez dago kalean gozokiak saltzetik bizi behar duen haurrik, ezta autoen haizetakoak garbitzen jardun behar duenik ere. Ez da lanean ari den haurrik. Alegia, Kubako haurren bizi-kalitatea –bizi-kalitatea, ez bizi-maila– lorpen paregabea da”, zioen Juan Jose Ortiz Bru espainiarrak Kubako prentsaren aurrean (2).